Linja e kreditimit për kapital pune për bizneset e prekura nga Covid-19 është bërë efektive menjëherë pasi qeveria miratoi një ditë më parë vendimin për funksionimin e skemës së garancisë sovrane numër 2 me vlerë 15 miliardë Lekë.<br /><br />Në një intervistë për televizionin Klan, zv/ministrja e Financave Vasilika Vjero, shpjegon se marrëveshja me bankat është firmosur dhe se bizneset mund të fillojnë të nisin procesin e aplikimeve për të marrë hua të butë nga ky fond.<br /><br />Vlera e kredisë që do të marrin bizneset do të negociohet me bankat, ku qeveria merr përsipër të garantojë 60% të saj, nga 100% që garantoi në paketën e parë. Megjithatë thotë Vasilika Vjero, në asnjë rast interesi nuk do të jetë më i lartë se 5%, ndërsa bizneset mund të mos paguajnë deri në 6 muaj këstet e para të saj.<br /><br />Vjero sqaron se ky instrument do të ndihmojë bizneset që të dalin nga kriza e krijuar për shkak të situatës së pandemisë, ku gjenden me vonesa në arkëtime, rënie të të ardhurash dhe mungesë likuiditeti për të vazhduar procesin prodhues.<br /><br />Qeveria miratoi në fillim të javës edhe marrjen përsipër të interesave për kreditë e dhëna nga garancia e parë për pagat e punonjësve. Deri tani nga skema e parë janë miratuar 174 kërkesa të bizneseve, ndërsa në total janë 458 aplikime për një vlerë totale prej 4.6 miliardë Lekësh.<br /><br />Tv Klan<br /><br />UBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
